سيد أحمد الهمشرى يكتب: مبروك يا مصر
 مبروك عليكى يا مصر يوم عيـدك
قومى يا حرة والبسى جديـــــــــدك
غنى يا بلدى لفرحة الثـــــــــــــوار
وسمعينا جمال أناشيـــــــــــــــــدك
......
مبروك علينا نجحت الثـــــــــــورة
بعد الجفاف راح تطرح الشجـــــرة
قومى يا بلدى ضمى كل شهيــــــــد
وقولى له مصر خلاص بقت حــرة
......
مبروك علينا شجاعة الثــــــــــــوار
ومن النهارده كلنا أحــــــــــــــــرار
دم الشهيد رَوى غيطان الخيـــــــــر
والشعب هو اللى طلع واختــــــــــار
......
مبروك يا مصر وتلتميت مبـــــروك
يا كل مصرى ضُم حضن أخــــــوك
وانسى اللى كان و احلم ببكره جديــــد
خلاص معدتش راح تكون مملـــــوك
...... |
| الفئة: أشعار سيد الهمشري | أضاف: سيد_الهمشري (2011-03-04)
| E
|
| مشاهده: 385
| الترتيب: 0.0/0 |
إضافة تعليق يستطيع فقط المستخدمون المسجلون [ التسجيل | دخول ] |
